កម្លាំងនគរបាលខណ្ឌដង្កោបានឃាត់ខ្លួនជនង្ស័យម្នាក់ពាក់ព័ន្ធករណីលួចម៉ូតូ
27-April-2018 | ដោយ ពលមនសិការ
ភ្នំពេញ ៖ កម្លាំងនគរបាលខណ្ឌដង្កោបានឃាត់ខ្លួនជនង្ស័យម្នាក់ពាក់ព័ន្ធករណីលួចម៉ូតូកាលពីថ្ងៃទី២៦ ខែមេសា ឆ្នាំ២០១៨ វេលាម៉ោង០៧និង៣០នាទី ត្រង់ចំណុចផ្លូវលំខាង កើតផ្សារចំបក់ ស្ថិតនៅភូមិសីហា ឃុំចំបក់ ស្រុកបាទី ខេត្តតាកែវ។
លោក ឈឹម ប៊ុនរ័ត្ន អធិការរងខណ្ឌដង្កោបានឲ្យដឹងថាជនសង្ស័យឈ្មោះ ងី ធារិទ្ធ ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិត ប្រាកដ ស្នាក់នៅភូមិត្រពាំងលាន ឃុំចំបក់ ស្រុកបាទី ខេត្តតាកែវ ត្រង់ចំណុចមុខវិទ្យាស្ថានអគ្គីសនី លើផ្លូវ២១៧ ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ វេលាម៉ោង១៦និង១០នាទី។
វត្ថុតាងចាប់យកៈដែកសំប៉ែតចុងស្រួចមួយ, សោរខ្សៀរលេខ៨មួយ, ទួឡឺវីសដងខ្មៅមួយ, ជំពាមកៅស៊ូមួយ, ម៉ូតូម៉ាកហុងដាស្កុបពី ពណ៌ស សេរីឆ្នាំ២០១៥ គ្មានស្លាកលេខ មានលេខតួរ និង ម៉ាស៊ីន 8029721។
លោកអធិការរងបន្តថា កាលពីថ្ងៃព្រហស្បតិ៍ ១២កើត ខែពិសាខ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៦ ខែមេសា ឆ្នាំ២០១៨ វេលាម៉ោង១៤និង១០នាទី កម្លាំងសមត្ថកិច្ចនគរបាលខណ្ឌដង្កោ បានចុះអនុវត្តន៍ច្បាប់ ចរាចរណ៍ផ្លូវគោក ត្រង់ចំណុចមុខវិទ្យាស្ថានអគ្គីសនី លើផ្លូវ២១៧ ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។ លុះដល់វេលាម៉ោង១៦និង១០នាទី ថ្ងៃខែឆ្នាំដដែល ស្រាប់តែឃើញជនសង្ស័យម្នាក់ ឈ្មោះ ងី ធារិទ្ធ ជិះម៉ូតូម៉ាកហុងដាស្កុបពីពណ៌ស សេរីឆ្នាំ២០១៥ គ្មានស្លាកលេខ មាន លេខតួរ និងម៉ាស៊ីន8029721 ទិសដៅពីត្បូងទៅជើង ហើយសមត្ថកិច្ចយើងឃើញម៉ូតូអត់ដាក់កញ្ចក់អត់ពាក់ មួកសុវត្ថិភាព និងគ្មានស្លាកលេខ ក៏បានហៅអោយឈប់ដើម្បីត្រួតពិនិត្យ រកឃើញដែកជ្រុងចុងសំប៉ែតស្រួច សំរាប់កាច់ សោរកម៉ូតូនៅក្នុងហោប៉ៅខោមុខខាងស្តាំ និងសោរ ខ្សៀលេខ៨មូយ នៅក្រោមកែបម៉ូតូ រួចសមត្ថកិច្ចយើងក៏បានឃាត់ខ្លួនជនសង្ស័យខាងលើ រួមនិងវត្ថុតាង យកមកធ្វើការសាកសួរនៅអធិការដ្ឋាន នគរបាលខណ្ឌដង្កោតាមនីតិវិធីច្បាប់។ ក្រោយពីធ្វើការសាកសួរជនសង្ស័យ បានឆ្លើយសារភាពថា រូបគេ (ជនសង្ស័យ) បានធ្វើសកម្មភាពលួចម៉ូតូរបស់ជនរងគ្រោះឈ្មោះ ឆាំង វន្នី ភេទប្រុស អាយុ៤៤ឆ្នាំ នៅពេលដែលជនរងគ្រោះទុកម៉ូតូម៉ាកខាងលើនៅក្បែរស្រះទឹក ស្ថិតនៅភូមិសីហា ឃុំចំបក់ ស្រុកបាទី ខេត្តតាកែវ ដោយពុំបានដកកូនសោរចេញពីម៉ូតូ។ ហើយសមត្ថកិច្ចយើងក៏បាន ជូនដំណឹងទៅ សមត្ថកិច្ចនគរបាលស្រុកបាទី ខេត្តតាកែវ អោយបានដឹង រួចសមត្ថកិច្ចនគរបាលខណ្ឌដង្កោយើង ក៏បានប្រគល់ ជនសង្ស័យ រួមនិងវត្ថុតាង ខាងលើ អោយទៅសមត្ថកិច្ចនគរបាលស្រុកបាទី ដើម្បីចាត់ការតាមផ្លូវច្បាប់បន្ត៕
ចំនួនអ្នកទស្សនា
- ថ្ងៃនេះ541
- ម្សិលមិញ10851
- សប្តាហ៍នេះ67061
- ខែនេះ182211
- ឆ្នាំនេះ182211
- សរុប20624667